1. ზოგადი დებულებები
წინამდებარე დოკუმენტი არეგულირებს SBM Store-ს ვებგვერდით სარგებლობისა და მომსახურეობის მიღების წესებსა და პირობებს.წინამდებარე დოკუმენტი წარმოადგენს ორმხრივად მავალდებულებელ ხელშეკრულებას,რომელიც ფორმდება მომხმარებელსა და შპს „სბმ თიმს” შორის. შპს „სბმ თიმ“ (ს/ნ 405181306) (შემდგომში – „SBM Store”) რეგისტრირებული მისამართი – ქ.თბილისი,ნინო რამიშვილის 31 ა. ვებგვერდზე რეგისტრაციით მომხმარებელი ეთანხმება წინამდებარე დოკუმენტით დადგენილ წესებსა და პირობებს.ასეთი თანხმობის არარსებობის შემთხვევაში ვებგვერდზე რეგისტრაციით მომხმარებელი ეთანხმება წინამდებარე დამატებითი კითხვებისა თუ შენიშვნების შემთხვევაში მომხმარებელს შეუძლია დაუკავშირდეს SBM Store-ს ელექტრონული ფოსტის მეშვეობით შემდეგ ელექტრონულ მისამართზე: store@sbm.

2. მომხმარებლის განცხადებები და გარანტიები
ვებგვერდით სარგებლობისას მომხმარებელი აცხადებს და იძლევა გარანტიას,რომ:

  1. მის მიერ მიწოდებული ნებისმიერი ინფორმაცია არის სწორი, ზუსტი და სრული;
  2.  რეგისტრაციისას მითითებული ინფორმაციის ცვლილების შემთხვევაში განაახლებს ასეთ მონაცემებს საჭიროების შემთხვევაში,მათ შორის, შეკვეთის განთავსებამდე;
  3.  იგი არის 18 წელს მიღწეული ქმედუნარიანი პირი და აქვს იურიდიული უფლებამოსილება,ისარგებლოს ვებგვერდზე განთავსებული  სერვისებით.
  4.  გამოიყენებს ვებგვერდს კეთილსინდისიერებისა და კანონიერების ფარგლებში და არ დაარღვევს სხვა პირის უფლებებს მართლსაწინააღმდეგო ქმედებით,მათ შორის და არა მხოლოდ სხვა პირის პერსონალური მონაცემების უნებართვო გამოყენებით, სხვა მომხმარებლის   სარეგისტრაციო მონაცემებსა თუ პირად ანგარიშებზე უნებართვო წვდომის მოპოვებით ;
  5. დაიცავს საავტორო და მომიჯნავე უფლებებს და არ გამოიყენებს ვებგვერდზე განთავსებულ მასალებს(მათ შორის,მაგრამ არა მხოლოდ, ტექსტი გრაფიკა,ლოგო/ები,სურათები ვიდეოები და პროგრამული უზრუნველყოფა) უნებართვოდ, SBM Store-ის და სხვა   შესაბამისი უფლებამოსილი პირის წერილობითი თანხმობის გარეშე;
  6. არ განახორციელებს მოქმედ კანონმდებლობასთან და წინამდებარე ხელშეკრულებასთან შეუსაბამო ქმედებას;

3. მომხმარებლის რეგისტრაცია და ავტორიზაცია

  1.  ვებგვერდზე რეგისტრაციამდე მომხმარებელი ვალდებულია გაეცნოს წინამდებარე დოკუმენტით დადგენილ წესებსა და პირობებს და მხოლოდ ინფორმირებული თანხმობის შემხვევაში დაასრულოს რეგისტრაციის პროცესი;
  2. რეგისტრაციისთვის აუცილებელია მომხმარებლის: სახელი და გვარი,ელექტრონული ფოსტის მისამართი, პაროლი(უნდა იყოს უსაფრთხო და უნიკალური)
  3. ვებგვერდზე რეგისტრაცია შესაძლებელია როგორც შეკვეთის განთავსებამდე,ასევე შეკვეთის განთავსების პროცესში;
  4. ავტორიზაციისთვის აუცილებელია მომხმარებლის: სახელი/ელფოსტის მისამართი და პაროლი.
  5. რეგისტრირებული მომხმარებელი პასუხისმგებელია პირადი ანგარიშის უსაფრთხოების დაცვაზე,პაროლის კონფიდენციალურობის შენარჩუნებასა და პირადი ანგარიშიდან ნებისმიერი საეჭვო აქტივობის შესახებ კომპანიის შეტყობინება.

4. შეკვეთის განთავსების პროცესი და პირობები შეკვეთის განთავსება ხდება რამდენიმე მარტივი ნაბიჯით: მომხმარებელი ირჩევს სასურველ პროდუქტს და ამატებს ვირტუალურ კალათაში;

  • ვირტუალურ კალათაში გადასვლის შემდეგ მომხმარებელი ამოწმებს არჩეული პროდუქტის რაოდენობას, ფასს და მთლიან ღირებულებას;
  • მომხმარებელს შეუძლია შესაბამის ველში მიუთითოს ფასდაკლების კოდი (ასეთის არსებობის შემთხვევაში) და ისარგებლოს შესაბამისი ფასდაკლებით;
  • გადახდის ველზე გადასვლის შემდგომ მომხმარებელი უთითებს შემდეგ სავალდებულო ინფორმაციას: სახელი და გვარი ან კომპანიის მონაცემები (იურიდიული პირის შემთხვევაში); ქალაქი ან მუნიციპალიტეტი: ქუჩის სახელი და ნომერი; საფოსტო ინდექსი; საკონტაქტო ტელეფონის ნომერი; პირადი ნომერი (საჭიროების შემთხვევაში); თანხმობა ვებგვერდის წესებსა და პირობებზე.

4.1 გადახდის მეთოდები და უსაფრთხოება

  1. ვებგვერდზე მომხმარებელს შეუძლია ისარგებლოს მხოლოდ უნაღდო ანგარიშწორების გზით შემდეგი საბანკო ბარათების გამოყენებით:
  • VISA
  • MASTERCARD
  • AMERICAN EXPRESS

4.2. ტრანზაქციის პროცესი:
მომხმარებელი შეიყვანს საბანკო ბარათის მონაცემებს შესაბამის ანგარიშსწორების ველში;
მომხმარებელი მიიღებს SMS კოდს რეგისტრირებული მობილურის ნომერზე;
მომხმარებელი დაადასტურებს ტრანზაქციას SMS კოდის შეყვანით;
სისტემა ავტომატურად აცნობებს მომხმარებელს განთავსებულ შეკვეთისა და გადახდის სტატუსზე;

4.3 გარდა ამისა შესყიდვა შესაძლებელია საქართველოს ბანკის ონლაინ განვადების გამოყენებით; „გადაიხადე სასურველი ნივთის ან მომსახურების ღირებულება ნაწილ-ნაწილ, მართლა იმდენი, რამდენიც ღირს, ზუსტად 4 ნაწილად. ეფექტური 0%. გადახდას პირდაპირ შეძლებ ჩვენს ვებგვერდზე.დაამატე კალათში ნივთი და ყიდვისას გადახდის მეთოდში აირჩიე „საქართველოს ბანკი ნაწილ-ნაწილ გადახდა“.ნაწილ-ნაწილ გადახდის შეძენის შემთხვევაში პროდუქციის უკან დაბრუნება არ არის შესაძლებელი.

4.4. SBM Store არ არის პასუხისმგებელი საბანკო ტრანზაქციებთან დაკავშირებულ ტექნიკურ ხარვეზებზე, შეფერხებებზე ან სხვა პრობლემებზე, რომლებიც შეიძლება წარმოიშვას გადახდის პროცესში, მათ შორის ამით გამოწვეულ შესაძლო ფინანსურ დანაკარგებზე. აღნიშული განეკუთვნება საბანკო სისტემების კომპეტენციას და პასუხისმგებლობის სფეროს.

4.5. SBM Store იტოვებს უფლებას მომხმარებელთან შეთანხმების გარეშე უარი თქვას ან გააუქმოს შეკვეთა თაღლითობის, უნებართვო ან უკანონო ტრანზაქციაზე ეჭვის არსებობის შემთხვევაში.

 

5. მიწოდების სერვისი და პირობები

  1. მომხმარებელს მიწოდების სერვისით სარგებლობა შეუძლია მთელი საქართველოს მასშტაბით:
    თბილისში მიწოდების ვადა – 1-3 სამუშაო დღე (ღირებულება – 5 ლარი), საქართველოს რეგიონებში მიწოდების ვადა – 2-5 სამუშაო დღე
    (ღირებულება – 10 ლარი)
  2. მიწოდებას განახორციელებს შპს „საქართველოს ფოსტა“ (ს/ნ 203836233). (რეგისტრირებული მისამართი: საქართველო, თბილისი, ჩუღურეთის რაიონი,ვაგზლის მოედანი N2)
  3. SBM Store საკურიერო მომსახურების გაწევის მიზნით შპს „საქართველოს ფოსტას“ გადასცემს მომხმარებლის პერსონალურ მონაცემებს, კერძოდ: სახელს,გვარს, მისამართსა და ტელეფონის ნომერს;
  4. SBM Store-ის პასუხისმგებლობა სრულდება პროდუქციის საკურიერო კომპანიისთვის გადაცემის მომენტიდან და შესაბამისად, პროდუქციის დაკარგვისა და დაზიანების რისკი სრულად გადადის საკურიერო კომპანიაზე;

6. მომხმარებლის უფლებები

  1.  პროდუქციის უპირობო დაბრუნება.
  2. მომხმარებელს აქვს უპირობო უფლება, ნივთის მიღებიდან 14 დღის განმავლობაში უარი თქვას ონლაინ შესყიდვაზე და და დააბრუნოს პროდუქტი. ამ შემთხვევაში მას არ მოეთხოვება რაიმე მიზეზის ახსნა ან დასაბუთება;
  3. მომხმარებელს შეუძლია პროდუქციის დაბრუნებაზე მოთხოვნა გააგზავნოს SBM Store-ის ელექტრონულ მისამართზე store@sbm.ge -ზე შეტყობინების გაგზავნის გზით;
  4. აღნიშნული 14-დღიანი ვადის ამოწურვის შემდეგ, მომხმარებელი ვეღარ ისარგებლებს პროდუქტის უპირობო დაბრუნების შესაძლებლობით;
  5. პროდუქციის დაბრუნების, გადაცვლის, მათ შორის უპირობოდ დაბრუნების უფლება არ ვრცელდება ისეთ პროდუქციაზე, რომელიც მომხმარებელს მიეწოდა ჰერმეტულად დაცულ მდგომარეობაში, მისი ჰერმეტულობა მიწოდების შემდეგ დაირღვა და ამდენად, შეუძლებელია მისი დაბრუნება ჯანმრთელობის ან ჰიგიენური ნორმების დაცვის გამო. პროდუქციის ასეთ კატეგორიას მიეკუთვნება მათ შორის, მაგრამ არა მხოლოდ, წინდები, სპორტული თეთრეული, საცურაო
    პროდუქციის ასეთ კატეგორიას მიეკუთვნება კოსტიუმები, ბოდეები, კბილის დამცავი კაპი, სპორტული წყლის ბოთლები,
    სასტვენი;
  6. ხელშეკრულებაზე უარის თქმის შედეგად ქარწყლდება მხარეების მიერ წინამდებარე ხელშეკრულებით ნაკისრი ვალდებულებები, ხოლო ის, რაც მხარეებმა მისი შესრულებით მიიღეს, მათ უბრუნდებათ;
  7. ხელშეკრულებაზე უარის თქმის და პროდუქციის უკან დაბრუნების შემთხვევაში მომხმარებელს გადახდილი თანხა მიწოდების თანხის ჩათვლით დაუბრუნდება სრულად ხელშეკრულებაზე უარის თქმის შესახებ მოვაჭრის მიერ შეტყობინების მიღებიდან არაუგვიანეს 14 კალენდარული დღისა;
  8. თანხის ანაზღაურება მოხდება გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე განაცხადებს თანხმობას;
  9. მოვაჭრე ვალდებული არ არის, მომხმარებელს დაუბრუნოს იმ დამატებითი ხარჯის ასანაზღაურებლად გადახდილი თანხა, რომელიც დაკავშირებულია მომხმარებლის მიერ არასტანდარტული ან მოვაჭრის მიერ შეთავაზებული მიწოდების მომსახურებაზე უფრო ძვირი მიწოდების მომსახურების არჩევასთან;
  10. პროდუქციის დაბრუნება/გადაცვლა შესაძლებელია იმ შემთხვევაში, თუ პროდუქციას აქვს შენარჩუნებული სარეალიზაციო იერსახე და მასზე დატანილი ქარხნული იარლიყი არ არის დაზიანებული ან მოხსნილი/დაკარგული.

6.1. ნაკლიანი პროდუქცია

  1. თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა,ფასის შემცირება) ან გავიდეს ხელშეკრულებიდან;
  2.  მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს
    შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან მოითხოვს;
  3. საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას,რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად;
  4. იმ შემთხვევაში, თუ ნივთის მახასიათებლები არ შეესაბამება საიტზე მითითებულ მონაცემებს ან ნივთს გააჩნია თავდაპირველი ნაკლი პროდუქციის უკან დაბრუნებას უზრუნველყოფს მოვაჭრე თავისი რესურსით;
  5. მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ საქონლის შეკეთება ან შეცვლა შეუძლებელია;
  6. მომხმარებელს უფლება აქვს ისარგებლოს ზემოხსენებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა;
  7. თუ მომხმარებელმა პროდუქტის ნაკლი მისი მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა პროდუქტის მიწოდებისას, თუ პროდუქტის ბუნებიდან ან ნაკლის ხასიათიდან გამომდინარე ეს შესაძლებელია. ამ შემთხვევაში მტკიცების ტვირთი SBM Store-ს ეკისრება. თუ მომხმარებელმა პროდუქტის ნაკლი მისი მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი,რომ ნაკლი არსებობდა პროდუქტის მიწოდებისას, მომხმარებელს ეკისრება;
  8. მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა;
  9. პროდუქციაზე კანონისმიერი საგარანტიო მომსახურება არ გავრცელდება, თუ პროდუქციის დაზიანება გამოწვეულია ფიზიკური ზემოქმედებით და არასათანადო ექსპლუატაციით;

7. მომხმარებელი ვალდებულია:

  1. ხელშეკრულებაზე უარის თქმის შემთხვევაში დააბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 (შვიდი) კალენდარული დღისა;
  2. დააბრუნოს საქონელი სარეალიზაციოდ ვარგის მდგომარეობაში, მასზე დატანილი ქარხნული იარლიყით
  3. გასწიოს მხოლოდ საქონლის დაბრუნებასთან დაკავშირებული პირდაპირი (უშუალო) ხარჯი, გარდა იმ შემთხვევისა, როდესაც პროდუქტის დაბრუნების საფუძველია ნაკლიანი საქონელი;

8. პირადი ანგარიშის დახურვა და სარგებლობის შეზღუდვა

  1. თუ SBM Store მიიჩნევს, რომ მომხმარებლის მიერ ირღვევა წინამდებარე წესები და პირობები ან ადგილი აქვს რაიმე საეჭვო მოქმედებას, ელექტრონულ ფოსტაზე გაგზავნილი შეტყობინების საფუძველზე მას შეუძლია შეაჩეროს მომხმარებლის წვდომა პლატფორმაზე ცალმხრივად;
  2. მომხმარებლის მხრიდან SBM Store-ის ვებგვერდზე მისი პირადი ანგარიშის გაუქმების/დახურვისათვის მან პირად ანგარიშში პარამეტრების ველში შესვლის შემდეგ უნდა დააჭიროს “ანგარიშის წაშლა”-ს, რის შემდგომაც მისი პირადი ანგარიში ავტომატურად იხურება.

9. პასუხისმგებლობის შეზღუდვა

  1. SBM Store მიიღებს ყველანაირ ზომას, რათა მაქსიმალურად უზრუნველყოს პლატფორმის კანონიერ ფარგლებში გამოყენება, თუმცა არ იღებს პასუხისმგებლობას თუ მესამე პირები არაავტორიზებულად მოიპოვებენ წვდომას რეგისტრირებული პირის მონაცემებზე ან მიაყენებენ ზიანს მას;
  2. SBM Store არ არის პასუხისმგებელი: თუ მომხმარებლის დაუდევრობით მისი სარეგისტრაციო მონაცემები მესამე პირს ჩუვარდება ხელში;
  3. თუ მომხმარებელი დაარღვევს წინამდებარე წესებს ან მოქმედ კანონმდებლობას;
  4. რაიმე შეფერხებაზე, რაც გამოწვეულია მესამე მხარის (მაგ: ინტერნეტ ან მობილური პროვაიდერების) მიზეზით.

10. მოქმედების ვადა და შეწყვეტა

  1. წინამდებარე დოკუმენტი ძალაში შედის მომხმარებლის მიერ თანხმობის გამოცხადების შემდეგ და მოქმედებს მომხმარებლის ანგარიშის გაუქმებამდე;
  2. წინამდებარე წესები და პირობები რეგულირდება და განიმარტება საქართველოს მოქმედი კანონმდებლობის შესაბამისად;
  3.  მხარეები თანხმდებიან რომ დავის შემთხვევაში, შეეცდებიან მოლაპარაკებით გადაწყდეს წარმოშობილი უთანხმოება. მოლაპარაკებების წარმატებით დასრულების შეუძლებლობის შემთხვევაში, მხარეები უფლებამოსილნი არიან მიმართონ თბილისის საქალაქო სასამართლოს;
  4.  წინამდებარე წესებისა და პირობების რომელიმე ნაწილის ბათილად ცნობა არ გამოიწვევს სხვა ნაწილის ბათილად ცნობას;
  5. SBM Store უფლებამოსილია ნებისმიერ დროს შეცვალოს ან დაამატოს ახალი პირობები ამ დოკუმენტში. ამის შესახებ ინფორმაცია გამოქვეყნდება ვებგვერდზე და არ საჭიროებს მომხმარებლის წინასწარ თანხმობას. თუ მომხმარებელი
    განაგრძობს საიტით სარგებლობას ცვლილებების შემდეგ, ეს ჩაითვლება მის თანხმობად ახალ პირობებზე.